الكلوستريديا في دواجن التسمين

 

الكلوستريديا في دواجن التسمين 

1- تهوية العنبر: لازم تهوية العنبر تكون مظبوطة وتراعي إن نسبة الرطوبة مترفعش في العنبر خاصة في فصل الصيف مع استخدام خلايا التبريد بالماء.

2- إستخدم البكتريا النافعة بجرعات متفاوتة عشان تحتل الأمعاء ومتديش فرصة للبكتريا الضارة زي الكلوستريديا انها تنشط. 

3- استخدم مضادات الكلوستريديا الحمضية جرعات وقائية خاصة مع بداية الأسبوع الثالث.

4- تأكد ان بروتين العلف اللي بتستخدمه بروتين من مصدر نباتي وإن العلف خالي تماما من البروتينات من مصادر حيوية.

ودي ممكن تتأكد منها عن طريق تحليل لنوع البروتين في العلف .

 علاج الكلوستريديا:

 ‏

1- لازم أولا نحدد سبب الكلوستريديا ولو سبب الإصابة هو كتمة العنبر يبقى لازم تهوي العنبر بشكل جيد وتشوف نسبة الرطوبة في جو العنبر.

2 - تغيير نوع العلف وده في حالة ان مفيش علاج بيجيب نتيجة، يبقى فيه مشكلة في مصدر بروتين العلف وهتجيب علف من شركة تانية.

3- استخدم المضادات الحيوية المعوية بالتبادل مع مضادات الكلوستريديا الحمضية.

4- استخدم البروبيوتيك بعد علاج الكلوستريديا لإستزراع البكتريا النافعة وإعادة تأهيل الامعاء مرة أخرى.

5- تأكد إن حباية العلف سهلة الهضم، بعض أنواع العلف في النامي والناهي بتكون حباية العلف ناشفة بتجرح الأمعاء وبتنشط الكلوستريديا فورا، ولازم وقتها تغير نوع العلف لشركة أخرى.