مضادات السموم في الدواجن
مضادات السموم اصبحت من أهم مدخلات صناعة الدواجن وده لأسباب كتير.
أهم الأسباب دي هي إن مصانع العلف ممكن يستخدموا خامات من مصادر غير اللي معتادين عليها وده بيحصل في حالات الأزمات زي الأيام دي.
والسبب التاني إن بعض المصانع بتستخدم مركزات بروتين وده بيدخلها بروتين حيواني وبيرفع نسبة السموم في العلف.
والعديد من الناس بيخطئ استخدام مضادات السموم وبيشتكي بعد كدة من ظهور السموم في العمر الكبير.
العلماء صنفوا السموم
لـ ٣ أقسام:
سموم كلويه
سموم كبدية
سموم مناعية
إزاي استخدم مضاد السموم؟
1- استخدم مضادات السموم بجرعات متفاوتة على مدار الدورة، مضاد السموم ده مش بيستخدم في فترة تغيير العلف من بادي لنامي أو من نامي لناهي فقط.
2- استخدم مضادات السموم البيولوجية بجانب الكيميائية لأنها اشمل ونتائجها أفضل من مضادات السموم الكيميائية.
3-احذر تماما استخدام أي مضادات سموم كيمائية خلال أو بعد الإصابات الفيروسية خاصة الـ IB الكلوي.
4- في الاصابات الفيروسية استخدم مضادات سموم اللي بتشتغل على أوكرا توكسين ودي أصنافها قليلة واسعارها غالية بس نتائجها ممتازة.
5-فكرة مضادات السموم البيولوجية قائمة على البروبيوتيك و الخمائر في المقام الأول فهي بتحسن أداء الجهاز الهضمي وبتنشط النمو والأداء العام للفرخ.
في حالة السموم الشديدة وعدم الاستجابة للعلاج يرجى تغيير نوع العلف لنوع شركة أخرى فورا حفاظا على القطيع
إرسال تعليق