معامل التحويل في دواجن التسمين.
مكسبك وخسارتك في الدورة أحيانا بيتوقف على العديد من العوامل لكن أهمها هو معامل التحويل.
يعني ايه معامل التحويل؟
يعني انت أكلت كام كيلو علف علشان يديلك كام كيلو لحم.وبيطلع رقم، وكل ما الرقم ده يقل يبقى المفروض إن مكسبك في الدورة هيزيد.
يعني لو معامل التحويل= ١.٥
يبقى كل ٣ كيلو علف بيدولك ٢ كيلو لحم.
لو معامل التحويل= ١.٦
يبقى كل ٣.٢ كيلو علف بيدولك ٢ كيلو لحم.
ايه هي العوامل اللي بتأثر على معامل التحويل في دورة التسمين؟؟
كل العوامل المحيطة ممكن تأثر على معامل التحويل لكن فيه حاجات اساسية زي:
العلف: جودة العلف من حيث نسبة ومصدر البروتين تأثر بشكل مباشر على معامل التحويل.
الكتكوت: لو الكتكوت جايلك من المصدر مش مظبوط هيأثر معاك بشكل مباشر على التحويل.
الحالة المعوية للقطيع: الأمراض المعوية خاصة الكلوستريديا تأثر بشكل مباشر على معامل التحويل.
لازم تهتم بالنقاط دي طول الدورة وتاخد عينات عشوائية كل أسبوع وتحسب متوسط استهلاك العلف ومتوسط الوزن عشان تعرف انت ماشي صح ولا لأ.
أحيانا تفاصيل بسيطة ممكن تخليك تكسب بدل ما الدورة تلم نفسها أو لا قدر الله تخسر.
وكمان أهتم بالكتاكيت في عمر التحضين كل ما كان الجو مظبوط والمكان كويس ده حيخليك ترتاح آخر الدوره
إرسال تعليق