.jpeg)
أهمية ضبط التهوية في العنبر.
في فترات الحر الناس اللي عندها خلايا تبريد بتشغل الخلايا علشان تنزل درجة الحرارة لكن فيه حاجة مهمة جدا الناس مش بتاخد بالها منها، وهي الرطوبة في العنبر.
الرطوبة النسبية بتزيد بشكل كبير جدا مع تشغيل الخلايا بدون حكمة وفيه مشاكل كتير بتحصل مع زيادة الرطوبة في العنبر ، أهمها:
1- صعوبة التنفس بالنسبة للقطيع، الرطوبة بتعمل صعوبة كبيرة في التنفس وبتعمل إجهاد شديد.
2- زيادة نسبة الرطوبة في الفرشة وبالتالي نشاط الكوكسيديا.
3- زيادة الرطوبة والاجهاد الناتج عنها، بينشط كلوستريديا بشكل سريع جدا.
4-جعل العنبر مهيأ لإستقبال الأمراض الفيروسية والبكتيرية التنفسية.
يعني الصح ايه؟
الصح انك تجيب ترموتر ديجيتال يعرض نسبة الرطوبة ودرجة الحرارة بدقة ويكون مجموع الرطوبة والحرارة لا يتعدي 100
يعني لو الرطوبة 74 والحرارة 26 حاول تعمل موازنة ما بينهم عشان الرطوبة او الحرارة مترفعش منك عن كدة. ولو عندك لوحة تحكم متخليش المياه شغاله بستمرار بدون توقف على الخلايا، اظبط التايمر على حسب حرارة الجو.
التفاصيل دي هي اللي بتنجح دورة وتخسر دورة وممكن يجيلك إصابة فيروسية وتكون شديدة الخطورة بسبب حاجات زي دي مش واخد بالك منها.
إرسال تعليق