فوائد الخميره لدواجن التسمين

 

فوائد الخميرة لدواجن التسمين 

فوائد الخميرة وجرعاتها التي تتراوح من 2 جرام الى 10 جرام 

1- كمنشط نمو له جرعه 2 جرام على كل لتر ماء او 2 جرام على كل كيلو علف  

2 - علشان التريش أو الوزن جرعة 5 جرام على كل لتر 

     أو 5 جرام على كل كيلو علف 

3 - علشان نبني مستقبلات جهاز الهضمي جيدة وزيادة للبكتيريا النافعة في الأمعاء يضاف 3 جرام على كل لتر ماء 

أو 3 جرام علي كل كيلو علف 

4 - علشان نعجل من بناء بطانة الأمعاء خاصة في العمر الأول يضاف 6 جرام على كل لتر ماء او 6 جرام علي كل كيلو علف 

5 - وعلشان يشتغل على السموم 10 جرام على كل لتر ماء أو 10 جرام على كل كيلو علف 

ليه الناس بتشتكي لما تستخدم الخميره بجرعة أكتر من 3 او 4 جرام على الماء أو العلف 

اولا بيظهر سيولة في الزرق ( اسهال بني )

    أو بيظهر زرق مائي مخلوط برغاوى 

مع أن إستهلاك العلف كويس جدا والنمو ماشي كويس 

علشان تعرف إن الخميره جيدة وغير مغشوشة 

لازم تعمل التفاعلات دي في الأمعاء لانها بتعمل تخمرات مع البكتيريا المعوية النافعة بسبب ليونة الزرق والرغاوي أو الفقاقيع الموجودة في الزرق اللي بيعتقد الناس أنها كولستريديا 

وده كده طبيعي جدا مع استعمال الخميرة 

علشان تعرف إن الخميرة كويسة ولا مغشوشة وهل بتؤدي الدور بتاعها ولا ضعيفة 

ضيفها مع عسل اسمر هتلاقي تفاعلات بينهم على هيئة فقاقيع اعلي الماء بتاعه السقاية وإن مستوي الماء زاد عن الطبيعي دليل على عملية التخمر في وجود ماده سكريه 

علشان تعرف إن اللي عندك دا طبيعي مش كولستريديا شيل الخميرة لمدة يومين هتلاقي الزرق رجع لطبيعته 

استعمال الخميرة على العلف أفضل من الماء  

ملحوظه هامه 

لو فيه اعراض كوكسيديا اوكلوستريد لازم تتعالج الاول وبعد كده حط جرعة خميره علشان تعمل على تنشيط البكتيريا النافعة 

لا تستعمل أي مضاد حيوي معوي بعد جرعة الخميرة لانه بيضيع اللي هي عملته